A BUL THUM AH

A BUL THUMAH:

Kan ram hi mi tinin kan hmangaih vek. Kan hmangaih dan te, chumi atana kan hma lak dante erawh a inang lo. Khawtlang pawh kan hmangaih vek. Chutih rualin kan kal dan hi kan chhut miah lo. Ka'n rawn ar-mit-ṭet-khuan ve mai mai teh ang.

    Mizoram hian party pali sorkarna kan hrawn tawh. Chuta sorkarna changtu apiang hruaitute chu kan hmu tling lo vek tlangpui. Hei hi kan buaina a nih rualin, engtin nge heti ang dinhmunah hian kan din tih hi kan chhut ngai em? Keima mimal chhut dan mai mai kan rawn sawi ve mai mai teh ang. Sawi zawm turin ka sawm che u a ni.

*1. Zirna School mawhphurhna:* Kan ram hruaitute kan hmuh corrupt leh kan hmuh rinawm loh em emte hi kan hmuh ang hi an nihna pawh a ni tak tak tih hi i pawm phawt teh ang u. Eng vangin nge heti ang dinhmun, rinawm lo leh hlemhle em ema dingte hi hruaitu kan neih? Kan Pathian Thu chuan, ' Thufingte 22:6

Naupang chu a kalna awm kawngah chuan zirtir ula, A upa hun pawhin a thlah lo vang,' a ti a, kan ram hi zirna ngai pawimawh tak hnam kan ni a, a theih hram chuan kan theih chin china zirna school-a kan fate kaltir vek kan ni. Kan Bible chang tarlan kan thlir chuan, kan rama zirna bul ṭanna Primary School hi a mawhphurtu kan ni. Naupang hi a puitlin hun pawha an thlah loh tur 'ze duhawm' chu lo tuh ngat ilang chuan, an puitlin hun pawhin an thlah dawn lo va, ram hruaitu hlemhle, rinawm lo, mipuite an lal theihna tura dawta bum duhtu kan nei lo tur a ni a. Mahse, Primary Zirtirtu tam zawk mah hi tute emaw duhsakna dawnga appoint mai mai, a appoint-tu chhuanga thawk hmasate chungtlak deuh tlatte pawh awm theih tak a ni a, thawk hmasate lah hna dang hmu zo lo, tum vang reng ni lova zirtirtu ni ve ta mai mai, zirna leh a kaihhnawih ngaihtuah vak lo kan lo ni bawk nen, a rah leh a sawp kan tuar mek ta a ni. In sawi zui ve atan duh tawk phawt ang. Naupangte hian Primary School an kal lai hian an puitlin huna an 'zia/nungchang' tur zawng zawng deuhthaw an neih hman tawh avangin, ram changkangte chuan kindergarten leh Primary Teachers hi an uluk em em zual bik tih erawh sawi tel leh hram ila.

*2. Chhungkaw mawh phurhna:* Zirna institution hmasa ber leh pawimawh ber chu chhungkua a ni. Kan fate bulah eng nge kan sawi ṭhin? Politics thil kan sawite hian 'phakar policy' ṭhiante nena kan duan laite hian ngaihsak awm lo deuha awm chung hian min lo ngaithla kiau. Chu chu an nunah kan tuh nghet tlat. 'Dik kher lo pawhin tih dan kawng a awm zel,' tih hi keimahni nu leh pa ti ti aṭanga an zir thiam hman a ni. Primary naupangte hian nu leh pate hi an ngaisang em em. A bik takin *pa* phei chu khawvela ropui ber, pa chak leh huai ber, pa thil tithei bera an ngaih lai, thil rêl sual thei reng reng lo tluka an ngaih lai a ni. Mi zawng zawngin, puitling leh naupang pawhin, kan mi ngaihsante thusawi chu kan ei em em vek. Party line-up leh thil dang dawt var kan apply dan, kan Pathian thu kalh em em thil kan sawi an lo ngaihthlak ṭhin khan an puitlin hun lawha an thlah miah tawh loh tur nun a chhersak a, political party hruaitu an nih hnu pawhin an thlah lo hlen ta a ni. Duh tawk leh phawt ang. In sawi zawm atan.

*3. Kohhran:* Sawi timawm hle mah se sawi hi ṭul tak a ni. 'Mizo' hrim hrim hi chu Kristian kan ni vek. Kohhran mi kan ni vek. Kohhran thu pawh kan ngai pawimawh viau vek. Chuti si eng ati nge kan vela ring lo mite aia kan petrolte hi a thianghlim loh reng? *Bawnghnute tui pawlh loh* leh *pawlh loh tak tak*-te hi eng ati nge kan neih? Biak Ina thlarau mi hian eng ati nge pawn lamah, takna leh dikna a ngaih pawimawh miah loh? 'Van lal nau ang a ṭahna Kalvari-ah...an dang chuang lo ve,' tih hla tui taka saa lampuitute hian, Thawhṭan zan party committee-ah, '....a! An dinhmun enin in sak ṭanpuina dawng awm tak phei chu an ni, mahse, kan party mi an ni si lo va...'an tih theih? Lal Isuan,' dawidim tlemte chuan chhang chu a pumin a fan chhuak,' a ti a, keini Kohhran mi ni fai vekte, inkhawm taima leh inkhawm tam, Pathian Thu pawh hre tamte hi kan nun zawng zawng, kan eizawnna, kan politics, kan lo vah, kan zirna school kan kalpui dan hi a ṭhen pawh a fan chhuak thei thlawt lo a nih chuan, 'In taksa chu inhlanah ka ngen ache u,' tiha 'taksa inhlanna' tih lai tak hi taksa va lam virpui chiam leh ṭul leh khurh chiama kan keuh hi a fuh lo chauh ni loin, a dikin a dik lo hul hual a ni ang.

    'He khawvel dan ang hian awm suh ula,' tih lai hi a pawimawh. Khawvel danah chuan a chak, a thil tithei, a ropui an dingchang ṭhin. Nehemia kha chuan ram awptu ropui a ni chungin, a hmaa miten ram zau tak tak an leia an nei te, an pual tura chhiah khawn theihna 'right' a nei chung pawhin, *Kei zawngin Pathian ṭihna avangin chuti ang chu ka ti ve lo,'* a ti hmak mai a ni. Khawvel dan anga awm ve loh chu kan duh tel lo va, taksa inhlanna, kohhran hnatlang leh lam vir kual vel chiah kan duhtawk a, ram hruainaah pawh kan thlir dan a sir he zo vek a, ram hruaitu ṭha kan tih lahin khawvel dan ang kalsan si lovin, Kohhran lawm zawng an zawng thiam em em a, kan heti zo vek ni maiin ka hria. 

   Sawi tur a tam em em a, min hnialna tur a tam em em a, a engti zawng pawha sawiho remchangin ka rawn chhawp ve hrim hrim a ni e.

  - C. Lalhmingliana

TLAN THUT MAI NI

Khaw pakhat ah kan chhuak hlawl mai a. Khua a lum si a kan thian ho chuan thingpui stall kan pan phawt a.

Kan in zawh chuan , dawr pakhat kawtah hian kan țhu a, kan titi ho mai mai a, ni a sat viau lai chuan ruah a rawn sur ta a, mi office bathlar ah chuan kan awm ta nual mai.

Kan thian ho hi mi khuaah inkhel a kal kan ni a, kan inkhelhna khua atangin ka zinkawng hi ka zawh tan a, khaw pakhat, tuna ka awmna hi chu kan inkhelhna khua atang chuan hla tak ani lawi si.

Tichuan mi dawr kawta kan thut reng lai chuan, school te, field te leh hmun pawimawh i fang ang u , an tih avagin an vak darh ta a.

Kei leh ka nau (mipa) chu kan kal hrang ta a.

Khua atanga hla lo tě, thlam pakhat ah kan va chawl hahdam ta ani(heti lai hi zing lam dar 10:00am vel niin ka hria).

Thlam chu a nuam hle mai a, ka nau nen chuan tukverh lam te kan thlir a, thlifim tho heuh heuh te chu nuam kan ti hle a.

Kan chwlhna thlam thlang lawk chu motor kawngpui zau tak (National Highway) ani a. Kawng a ngilin a lang thui hle bawk a ni.

Chutia thlam atanga ka zuk thlir reng lai chuan , thil danglam tak ka zuk hmu ta mai a..! 

Motor kawgpui lang thei tawpber atang chuan, a mak a maka chakin bike khalh ka zu hmu ta tlat mai a(Kan awmna ațag hian motor kawng hi a hla lutk lo, 650meter  vel ani ang).

Kawngpui dunga bike chak lutuk tak mai chu a tlan zel a, a lang tawp lam ah chuan a tlu a, a lum ta tawp tawp mai a. A bul lawk Sanghadil ah chuan amah chu a tla lut ta a.

Chuan reilo te dil chhunga tuia a mut hnu chuan , amah chuan a rawn tho chhuak ta mai a!

Ka en reng lai chuan, muangchangin a rawn thochhuak a. Na a tih hmel hle mai a.Tunge anih erawh ka hre thei rih lo.

A ban dinglam(ban puam) tak hi a tliak niin ka zuk hmu a. Chuan amah chu kawngpui lamah rawn chhovin, a ban tliak uai hnawp chu amah chuana pawt mar a, a vuah ve leh mai a, a mak hi ka ti a, ka en duh hle mai a. Chutia ka enreng lai chuan a ban chua vuahtha leh ta mai a. Hmeichhia nge mipa ka hre thei ta bawk a. Achhan chu ka awmna thlam lam a rawn pan hnaih tawh vang ani.

Tichuan, ka thian te chu thil thleng chu engkim ka hrilh ve a, lova feh ho pawh chhun dar 12:00 anih tawh avangin chhun chawlh neiin an lo țhu lut a..

Hmeichhia accident nu chu kan awmna lam rawn kal zelin thlam kawt a rawn thleng ta mai a!!!... Hmeichhia, kum 21 mi vel, vai nula, mizotawng pawh thiam tak, hmeltha zet mai hi alo ni a.  Ka lo hlau deuh rigawt a, thil awmdan ngun taka ka han thlir chian hnuah chuan hlauh chi a lo ni leh lo a.

Chuan a ban chu amah chuan a dawm renga, a taksa dagah hliam tenau neuh neuh chu na pawh a tih hmel silo.. Mak hi ka tia ..

Tichuan, ka awmna thlam neitunu hnenah chuan damdawi a rawn dil a, ka awmna thlam neitu chuan Detol a lo pe thuai a.

Accident nu chu thlamah lo lutin , a ban ruh tliak te chu min rawn entir ta mai a..! Mi râp ngei mai....

Amah berin na a tih miau loh chuan keini na tuar velovin lo hlauh viau reng bik chu tul ka tihloh avagin ka en ve ta reng a.

A ban ruh tliak chu amah chuan a dressing ta leh zel a, mimak tak zawng a ni ang. A hmel lah chu a țha em em mai lehnghal a.

Tichuan , amah chu tihian ka zawt ta a .

 A na pawh i tih hmel silo a, nagmahin i inenkawl vek mai si a, egemaw awmzia le, tinge Doctor ko turin min tirh mai loh ? ka ti a. Ani chuan Doctor anih thu leh, hetiang lam chu amah aia thiam an awmloh tur thuin min chhang a.

A ban hliam a tuam zawh chuan thlam neitu te khan chaw ei an lo peih der a, kan vai chuan kan ei ho ta a. Kan hliam tuari pwh chu ei vein, chaw khawrhtu ah kan hmang a.

Chumi țum cu amak amakin ka chawei han tui a..!

Tichuan, chaw kan fak zawh chuan hna thawktu te chu an kaldarh leh ta a, ka nau pawh kha thlam atang chuan a chhuak ve bok a.

Tichuan hliamtuar nu nen chuan thlam chhungah chuan kan awm ta a. 

Ka tunhma nun nen pawh min zawt chîk hle mai a. Kei chuan a diktak zelin ka chhang a.

Chhas ka neih leh neihloh te min zawh hnu chuan, min rawn hnaih deuh tlat hian ka hria a..!

Kan inkawm chiang zel a, amah chu mihausa fanu anih thu te , Chandigarh a MBBS zo tawh anih thu te a sawi bawk a.. Ka rilru tě tě chuan , he Doctor nula hmelțha tak hi nupuiah nei ta ila ?   ti tein ka ngaihtuah vel mai mai chhin a.

A tuar chhel zia ka hmuh chuan mak tihna hlirin ka khat bawk lawi sia..

Nakin deuh ah phei chuan , ka inkawm zela, thlam atanga chhuah a, khaw chhung lamah kalpuiah min sawm ta tlat mai a..

Tichuan kan pahnih chauh chuan kan chhuak leh ta a..

Khua chu kan thleng ve leh mai a, ani chuan Hotel pakhatah min hruai leh ta zel a.

Hotel chhungah chuan ama țhiante , Mizo hlir an lo awm a, nula leh tlangval hmeltha tak tak vek an ni a, a thenin chaw an lo ei a, a thenin Games an lo khel nuai nuai mai a.

Reilote hnuah chuan ka țhiannu chuan Hotel chhawng hnuai lam, room thim lam ah min hruai thla ta a. Min kuah pah chuan ka beng bulah tihian zawitein min rawn hrilhru a ka duh lutuk che, i MAN tops, vawikhat lek i biangah ka lo chuckas .. Min ti ta mai a..!

Kei pawh chuan ka dawh ve mai a.. Zawite hian ka biang vei lam chu a rawn fawp ta keuh a..

Tichuan kan inkawm rei tial tial a ..

Sex lam hi a ngaihtuah ta deuh tlat hian ka hria a, ka ngaih a țhalo ta tlat mai a. Chutih lai chuan ka rilru tě těin he nu chu ka va ui mange... a hmelțha si a, pangngai deuh a nung se, a luck dawn asin le..? ka ti neuh neuh a.

Tichuan kan awmdun rei tial tial a, kan che thui dawn ta tlat mai, a dik dawnin ka hrelo ta deuh a. Ani lah chu na tuar e tilo chuan min kuah bawrh bawrh mai chu mak ka ti leh zual a.

A ban ruh tliak chu a hre chang tawh lo ni ber hian ka hria a, ka nghawng ah te chuan min kuah bawlh bwrh a.

Nakin deuh ah chuan ka beng bulah zawitein tihian  AIDS te chu i vei ve dawn chuang hleinem a rawn ti ringawt a..! Ka ngaituahna chu a mak amakin hlauhnain a rawn khat ta a..!!! Mahse, ka khawngaih bawk si a.

Kei lah tlangval thisen thianghlim ka la ni a, ani lah HIV+  vei tlat mai, engtin nge ka tih tak ang? A hmeltha si a...???.

Tichuan kan inkawm rei tial tial a, a diklo zawnga khawsak duhna a nei deuh ta tlat mai a.. Ka hmui ah te chuan zawite tein a rawn chuck a..! A duhthawh deuh dawn tain ka hre ta a.

Chutianga awm reng chu țhalo dawnin ka hre ta a, heti hian ka ngaihtuah ta a.. ' Ka ngawi run run anga, ka tlanchhe thut dawn a ni. He thil hi ka tlanchhiat san vat loh chuan , ka boral mai dawnin ka hria' ka ti ta a..

Tichuan, vawilehkhatah ka tlan ta phut mai a..! Chu ve leh  ani lah chuan chak mangkhengin min rawn um zui ta mai a leh..! Mahse, kei mipa zawk leh thahrui ngah zawk na nana chu ka lo tlanchak deuh ani ang.. Reilo teah min um pha ta lo a, khawchhung atanga tlanchhuakin , thlama ka nau lo la țhu reng chu zuk hmuin , hmanhmawh baklengin kan khua kan pan ta ani.. 

Ka lawm e.🤗😀

 "Mihring hi kan duh a thuin mahni inrintawkna kan nei thei a, Pathian hian kan kutah hian thil tamtak min a dah ani"  tih ka hrechhuak ta a..

PA EISUAL (MUSHROOM POISONING) LEH PAUITHIN

Pauithin (Lactarius spp) hi tunlai chu Champhai khuaa chhungtin te ti ti a tling awm e. A thenin tui kan ti hle a, a then in eisual hlau reng rengin an ei ngamlo bawk a! He ti taka kan buaipui hi i'n bihchiang thuak thuak teh ang.

Pauithin hi leia to chi a ni a,  Thingsia leh Sasaw (Sasua) hmunah a to ber a. Champhai leh a chheh vela kan hmuh ho hi Lactarius Volemus, a rim na chi ( chak chi) a ni. Pauithin hi kan  chenna lei phel phawka hmar lam ( Northern hemisphere) ah chiah a to thin a, Australasia khawmualpui  te, South America khawmualpui te chuan an hmu ve ngailo.

Australia ramah scientist te leh pa lam chanchin zirbing mi ( Mycologist) ten tih to ve tum thin mahse an la hlawhtling theilo. A tona tura Pathian in a duan sa  hmunah bak chuan hmun dangah an la khawi hlawhtling theilo a ni. Europe chhim lam ram thenkhat, Africa hmar lam ram thenkhat,  N America hmar lam hmun tlem te ah leh  Asia hmar chhak lam ram  thenkhat ah te chauh hian a awm a ni.

Pa hi chi hrang tamtak a awm a, mihring tana tur hlauhawm (mycotoxin)  pai ve sa hrim hrim an awm a. Ei tlak, tur pailo chi ve hrim hrim an awm leh a, hengho zingah hian Pauithin pawh hi  mithiam ten an dah a ni (Vanduai tan chuan tuisik lem khat chauh pawh thihpui theih, tih a nih kha aw). A chakna leh chawtha pai hi a nep lo hle a, Pauithin  hi eitur malkhaia hrisel leh chakna pai tam ber te zinga mi a ni.

 Carbohydrates leh fats a pai mumallo a, protein a pai tam hle thung.  Vitamin D, kan pumpuiin calcium a hip theih nana pawimawh em2 leh vun siam tu, Calcium, ruh siamtu leh ti chaktu, Selenium leh Vitamin E, kan taksa a tur leh chemical thalo paihchhuaktu antioxidant tha em em mai, vitamin A, C , K , Vitamin B ho zawng zawng,  lung leh nerve ti chaktu potassium, thau chhia paihna a taksa tichaktu leh puitu chromium, lectin leh  hydrophobins, cancer cell than ti muang tu, leh fibre, te hi a langsar zual te  an ni.  Hetiang taka eitur hrisel leh tui,  kan tuh leh kan chin ni miah silo, kan duh hun leh hmuna kan totir theih pawh ni lo,  Pathianin kan eitura min pek hi hlut thiam ila, a awm hun chhung reilote hian am takin ei char char mai ang aw.

Pa ei tlak ho reng reng hian mihring mamawh khawp hanna (umami - natural MSG) an pai sa vek avangin a theih hram chuan ajino moto telh belh loh a, chi, a tlem thei ang bera al hi ei dan hrisel ber a ni.  Tha taka Chhum hmin leh kan hmin hram ni se. 

PA EISUAL LOH DAN:-

1. Pa reng reng hi a malin eitlak leh kan lo ei fo tawh thin pawh nise, a chi hrang hi eipawlh/ siam pawlh miah loh tur a ni. Pa chi hrang a chemical composition kha lo in siam danglamin, a hranga eitlak ve ve si kha siam pawlh chiah khan mihring tana thalo a awm palh thei, fimkhur a tha ber. ( Pakhawi chi (Pleurotus Spp) bik hi chu a rawng in ang lo e.g. a var leh a buang tih vel hi chu a pawilo).

2. Eng pa pawh siam / pawt dawn ila, a dang ang tak, danglam deuh si alo awm chuan siam/ pawh telloh tur, paih daih tur.

3. Zu nen ei/ in pawlh miahloh tur

4. Pa upa tawh leh tawih tawh chu eiloh tur.

5 .Pa eitlak leh ei thin hriat chian chauh ei tur. Khawvel ram danga ei tlaka ngaih  hi kan ramah a eitlak kher loh thei. Eg. Pasi (scizophyllum commune) hi mizote chuan kan ei nasa hle a, South America ah chuan thihna tur pai a ngaih a ni a, an ei ngam miahlo.

6.Pa hian  proteins a pai tam a, chu vang te pawh chuan a ni mahna mi thenkhat tan chuan  huat theih  (allergic) a ni ve a, hetiang mi chuan an in hrethiam ve mai ang chu. Proteins pai tam dang heng artui, badam, etc. te ei huat a awm ang ve tho hi a ni.

 FIMKHUR NA TUR

 Ngaihdan atthlak, heng :-

A.  Pa chu hmin taka chhum chuan tur nei chi pawh ni se  a tur a thi vek

B. Silver chhum pawlhin a tur a thi vek

C. Ar chuk tirin arin a eiduh chuan tur a pailo tihna

D. Chi hrang chhumpawlhin a tur a inthat tawn

E. Tur nei chi chu a rawng a mawi

F. Sap leh hnam dang pawhin an ei, etc. Etc.  

HENG THU ATTLAK, FINFIAHNA AWMLO HI RING SUH.

Laboratory ah zir chianna neih phawt a nih ngawt loh chuan,  Pa hi a tona hmun vel a miten, an ei than, an hriat chian hi pa eitlak leh eitlakloh hriat hranna awlsam ber leh rintlak ber a ni. A rim a thiang alawm, hnai a nei, tih vel vang maiin ei ngawt suh. Hriat ngai loh leh hriat chian loh ei suh.

ZOFATE KAN NIHNA DIK TAK (Kan sim makmawh)

1. Rlru retheih luat vanga In leh lo tha nei ngaisang ringawt hnam.

2. Kut hnathawk ngaisang anga langa ataka eiru hausa zahna lantir zawk thin hnam..

3.Kan vote hlut zia hre lo khawpa ram hmangaihtu chanvo chang thiam lo.

4.Tawngkam nem ringawt ei duak duak a, Hmangaihtu kam chhuak chaw rum ei duh lo.

5.Mi hlawhchhamte thawhrimna hmusita mi hlawhtlingte tlawn ching hnam..

6.A hu hova Zu do thin...Mahni chauhva awma zu ngaina...Zu zawrh hlawk zia hretute..

7.Pathian hming lam hnem ber leh Pathian hlau lo ber hnam..

8.Thih ni chauhva thenawmte hmangaihna dik tak mita thlir thei..

9.Sorkat hna thawh hi nawmsakna ber emaw ti tlat khawpa rilru chen beh..

10. Changkanna dik hre thei miah lo khawpa nawmsipbawl nuam ti..

11.Thihna la run thlak zet si...Hriselna ngai pawimawh lo ,Zuk leh hmuam uar tak hnam..

12.Dikna retheihpuitu aia Hlemhletna hausakpuitu chawimawi duh zawk hnam..

13.Politics leh Pathian thu huang khata dah thei lo khawpa hnam dazat...

14.Mahni ram thawhchhuah hmang chauhva hmasawna leh changkanna dik hi lo awm ani tih hre tawh lo khawpa vai chawm...Hnam bo....

Mizo ten hmeichhia kan dah Lal

Mizoten hmeichhia kan dah Lal zia chu... Vana arsi eng ber khi hmeichhe hming Chawngmawii kan ti a. 

A eng ber dawttu chauh mipa hming Hrangchhuana anih khi. 

Pathian te hi 'Khûa pa' kan ti lova, 'Khua nu' kan ti ani lo'm ni. 

Inngaizawng thawnthu kan neihah te pawh hmeichhe hming kan tarlang hmasa tlangpui.

 Eg. Tlingi leh Ngama, Tualvungi leh zawlpala...etc.  

Inneite pawh hi 'Panu' kan ti lo, 'Nupa' kan ti anih hi. 

Chutiang zelin, Chûn leh zûa te kan ti a, 

Pipu te, Nula leh tlangval, Nu leh pa, engkim thil ṭha lam kan sawinaah hmeichhia hi kan dah hmasa deuh ziah a.

Mipa hming kan hman hmasakna ve thung chu 'Mipat hmeichhiatna' tih ah. 

Chu pawh Hur lam sawina ala ni zui. 🙊😆😆

NGAIHDAN I SIAM HMAIN NGAIHTUAH NGUN PHAWT THIN RAWH

NGAIHDAN I SIAM HMAIN NGAIHTUAH NGUN PHAWT THIN RAWH

(Translated from - https://www.moralstories.org/think-before-you-judge/)

~Malsawmzuala Ralte, Mission veng

         Daktawr chu damlo zai nghal vat vat ngai an awm tih phone hmanga hrilh a nih hnuah, rang takin damdawi inah chuan a rawn thleng a. Kohna a dawn chu a theih ve leh chhangin, a thawmhnaw a thlak a, inzaina in lam a pan nghal a. Mipa naupang pa chu innghahna room ah daktawr nghaka vei tawn sekin a va hmu a. 

Mipa naupang pa-in a lo hmuh ve leh vin takin, "Eng vangin nge lo kal tura hun i duh rei em em? Ka fapa nunna chu hlauhthawnawm takin a awm mek tih i hre lovem ni? Mawhphurhna lian tak nei i ni tih i inhre lo zawk nge?"

Daktawr chuan nui chungin, "A pawi ka ti khawp mai, damdawi ina ka awm loh lai a ni a, kohna ka dawn ve leh theih anga rangin ka lo kal nghal a ni, i thinrim tawh loh ka beisei, tichuan, kei pawhin ka tihtur tha takin ka ti thei ang."

"Thinrim tawh loh a maw ni? I fapa chu he inzaina room ah hian awm ve mek ta se, i awm hle hle thei bik lo tawp ang. Daktawr nghah chhungin i fapa thi mek ta se, engtin nge i tih ang?" thinrim takin a chhang a. Daktawr chuan nui chung bawkin a chhang a, "Pathian tanpuinain theih tawp kan chhuah ang, nang pawh i fapa tan i lo tawngtai dawn nia."

"A tuartu nih loh chuan thurawn pek chu thil harsa a ni lo," phun chungin a la sawi zui hram a. 

Darkar eng emaw ti a zai hnuah daktawr chu hlim takin a lo chhuak a, "A va lawmawm em, i fapa chu chhanhim a ni ta!" Mipa naupang pa-in a chhan let pawh nghak hman lo va chet thuai thuai pah chuan, "Zawh tur i neih chuan nurse hi i lo be mai dawn nia."

Daktawr a kal liam hnu deuh, nurse a hmuh rual chuan, "Eng vangin nge a induhin a chapo em em mai le? Hun rei lote pawh min nghak se, ka fapa chinchang ka zawt thei tur." Nurse chuan mittui tla chungin heti hian a chhang a, "Niminah a fapa accident-in a thi a, an vui mek laiin i fapa zai turin kan ko a ni. I fapa tha taka a zai zawh ve leh a fapa vuinaa tel chhunzawm turin a kal liam leh nghal a ni."

Eng nge an nunin a tawn a, eng harsatna nge an paltlang tih i hriat loh chuan, mi chungah ngaihdan siam ngawt lovang che.