COSMETIC HLUI IN VUN A TIHCHHIAT DAN

{heng kan rawn post te hi kan thiam vang nilo
in,mithiamte zar ah kan in share thei chauh
mai ani tih kan hre dawn nia.}

Eng anga zingin nge cosmetic/make up to tak
tak i lei, a bur i hman zawh hmaa i paih hreh
leh si le? I cosmetic lei chu a man a to em
avangin hman zawh vek loh hlauvin a zawh rat
thleng a hman tumin leh a burah a bo a bang
awm lovin i hmet chawt chawt fo em? Aw le,
he thu i chhiar zawha i lu i bu nghauh a nih
chuan, cosmetic zawng zawng hi a dam hun
chhung (expiry date ) nei vek a siam an ni tih
leh chu mi hun pelh tawh hnu a hman luih
chuan vun natna serious tak leh mit lam natna
(eye problem) thlen theihna kawng awlsam tak
a ni tih i hre dawn nia.

Dr. Kiran Lohia, MD., chuan hetiang lamah
hian hma lain a rawn puangzar a, hmeichhe
tam takin cosmetic expire tawh hman
hlauhawm zia an la hre lo a ni, a ti.

Eng vangin nge cosmetic hlui tawh (expire)
tawhte chu kan hman loh chhan tur chu? A
chhan chu:
Vun enkawlna tura siam cosmetic hrang
hrangte hian thih hun (expiry date) an nei ngei
ngei tur a ni. Expiry date te hian cosmetic hlui
tawh kan hman loh nan min pui a, cosmetic te
hi an thih tawh (expire) chuan amah a thatna
awm kha bo tawhin, a vawng thatu tur
chemical an pawlhte pawh an hnathawhte a lo
tawp a, vun tan thil tha thlen aiin thil tha lo
tam tak a lo thlen thei hlauh ta zawk a ni. Chu
mai bakah a bawlhlo atan a an hman chemical
thenkhatte phei chu a hma aiin a lo thawk
chak ta sawt thei bawk a, vun tan a hlauhawm
in vun thak leh vun natna dang neuh neuh a
thlen thei a, vun te a kang thei hial a ni.
Thenkhatahte phei chuan mit natna leh mit
thakte a thlen thei bawk a, a bikin mit lampang
hnawih leh cheinate a expire tawh leh rei tawh
lutuk hman palh hi a a hlauhawm em em bawk
a. Chuvangin, mit hnawih ang chi reng reng
chu uluk taka enkawl a, kum khat hnuah paih
ngei ngei tur a ni.
Company thenkhatte hi chuan mit hnawih leh
cheina, a bikin eye liner, mascara te hi a bur
an tet deuh bik avangin an expire hun an ziak
vek lem lo a. A rei berah kum khat bak hman
loh hi a him ber a. A theih chuan chu aia rei lo
chu hman a, a hlui paih a, a thar a thlak zel a
tha.
A hnuai a mi ang hian cosmetic hrang hrang
leh an hman rei theih hun chhung mi thiamten
an hriat ang ka han tarlang a, ngun takin i lo
chhinchhiah dawn nia:
*.Liquid foundation & Loose powder – kum 2.
*.Mascara – kum 1.
*.Eyeliner (liquid/pencil) leh eye shadow- kum
1.
*.Nail polish – kum 2 atanga kum 3.
*.Shampoo leh a tlukpui – kum 2.
*.Sun block- kum 2.
*.Perfume – kum 2.
*.Cream/Lotion ( hmai leh taksa a hnawih
chi)- kum 2 a\anga kum 3.
Cosmetic te hi amah rau rauvah a that rei
theih nan a enkawl dan a awm a. A tlangpuiin,
hmun lum leh sâ ah an chhe hma em em a.
Chuvangin, hmun lum lutuk lovah dah ni se.
Hmun thim leh vawt reih rawih a dahte hian an
tlo bikin an tha rei bik a. Fridge chhunga i dah
khan a vawng tha rei bawk a ni.

Zunthlum vei theihna chance - te

1. Thlahtu ten an vei phawt chuan an thlah ten an vei ngei ngei thin.
 2. Zunthlum vei ve2 an in neih in an fa ten an vei ngei ngei thin.
3. Vei leh vei lo an in neih in anfa te 50/50 in an vei thin.
 4. Zunthlum vei lo ve ve nimahse, a vei chhungkua thlah an nih chuan anfate hmum 4 then hmun 1 in an vei thin.
5. Vei awm loh na chhungkua ni mahsea vei theih tih hriat a tha.
6. Zunthlum awmtirtu tak hi hriat nilo mahse, thau luat na avang a vei a awlsam hle a, inthlah chhawn a tang a awm chawk bawk thin.

Ka nu a cancer tih ka hriat țum kha..

Thlakhat a lo liam ve leh ta reng mai. Durtlang damdawiin ah kan awmlaiin, ka nu natna engmah kan la hrelo a. A chang leh 'hrawk na satliah a ni ang.., tonsil na a niang.. engemaw vang mai mai a niang.. " tiin kan inrinsiak mai mai kha a ni a.
Mahse, durtlang damdawiin ah ni 3 kan awm hnu, tlai khat chu he thu thințhawng tak mai hi ka hre ta a  " I nu natna hi cancer a ni a, a rang lamin chhuahna lehkha (discharge card) kan siamsak cheu anga,  Zemabawk lamah in kal vat a ngai a ni. I nu hi a thi mai dawn lova, rei tak a la dampui dawn che u a ... lungngai reng reng suh u...! " an han ti ta mai kha chu aw...  bomb puak ang maiin ka bengah chuan a ring a, khami tlai zet kha chu ka lungngai takzet a ni..
Mahse, hei tunah khua a lo rei ve leh ta deuh a, ka nu pawh a zia ve leh sawt viau a.. Tin, ka nu ang leh ka nu aia serious tamtak kan han hmu deuhreng a, keimahni ah hlauhna leh zam ruk na te pawh zawimuangin a bo ve tial tial a.
Cancer natna pawh a mak lova, a hlauhawm lo zo ta vek mai hian ka hre ta.. Mitin vei theih a ni a, invenna vak a awm hran lova, vanduai leh vannei kar a ni e.. tiin Doctor te chuan min hrilh țhin.

Engtik hunah nge Doctor kan rawn ang ?

(When to Call the Doctor Call your doctor right away if you have any of the following):
1.Fever of 100.4°F(38.0°C) or higher(I khawsik 100.4°F(38.0°C) emaw a aia sang a nihin).
2.Continued pain or trouble swallowing(Chaw lem harsa i neih fo chuan, Doctor rawn tur a ni).
3.Coughing up of blood(I khuhah thisen te a lo telin).
4.Frequent nausea or vomiting that looks like bloody coffee grounds(Coffee rawng ang deuh lama i luak fo chuan , hlauhawm tak a nithei. Doctor rawn vat tur).
5.Dark, tarry, or bloody stools(I êk a dum emaw, thisen or kurtai rawng tea i ek ringawt chuan Doctor rawn vat angche).

INTERNET PACK THUN NGAI LO IN FACEBOOK KHAWIH IN DUH EM?

INTERNET connection tellova mobile phone ataga facebook hman(ACCESS DAN) Internet connecti0n tellova mobile phone ataga fb hmag tur hian india ram chhung bik tan cuan fb india leh fontewish te cuan inremsiamna (agreement partneship) an neih avagin internet connecti0n tellova fb hman theihna tur an duang chhuaka. Applicati0n dag pwh hman chuag lovin mobile network connecti0n tellovin fb ahman (access) theih ta ani.

Chumi hmang tur cuan thil tamtak itih angai lovang.

Ahmasa in hengte hi tih ngai te mai chu ani: *325# hi han dial phot la, tichuan fb username leh pasword in register na tur emaw sign in na turin alo lang ang. Tichuan username/mobile no. Leh pasword i enter hnuah han lut la, heng menu te hi alo lang zui ve mai ang: (browser login satan login a ngai tawhlo.data off tur)

1.news feed.
2.update status.
3.post on wall.
4.friend request.
5.messages.
6.notificati0n.

Account settings tichuan fb hman dan pangngai thin angin i moble atang chuan han access tawh mai rawh le (heng service te hi India ram chhung a mobile operators AIRTEL.AIRCEL. IDEA TE TATA DOCOMO hmang tan chuan a thei vek.

Tin fonetwish hi premium ang pawh a subscribe thei tho ani) VODAPHONE pawh a theih ka test tawh.
Source: La-i Jr Tochhong

CANCER A DAMLO TE MIZIA A ENKAWLTU TEN KAN HRE TUR ANI.

Cancer natna (natna dang te pawh) tuartute hi, psychological effect a ni tlangpui a, a awm zia chu, na ber emaw, tihdam theihloh emaw, thi thuai ngei ngei tura an in rinna hi a ni. Cancer hi natna pakhat ve mai, 'panchhia' tihna a ni mai a, a enkawl dam theih a ni. Damlo chu, psychiatrist panpui tur a ni, zahthlak a lak chi a nilo. Tin, damlo chu a rilru a no em em a, anaupang chhia ang mai a ni leh a, a changin a hlim em em anga, a changin a thinrim / titau / tum bur bawk ang. Duat tak leh hmangaih tak, hriatthiamna nen enkawl an ngai. An natna an ngaihtuah tlut tlut a, thi ngei ngeiturin an indah kan tih tawh kha, chutiang thil ngaituah hmanlo tura siam chu a tha, biak tam te, khawlai hmun thengthaw nuam deuhah te pawh kalpui nise, tin, kan hmangaih thu leh, a dam chak thu te pawh hrilh ve reng a tha a ni, an rilru kal sual kha kan siam thatsak a pawimawh em ema ni, hetah hi chuan a tha lam zawnga in 'bawl' te pawh apawi tawh lo zawk. Nitin a, a taksa leh amah a that zel thu te pawh han hrilh ila, an mahni ah chakna a peve thei a ni, a chhan chu, rilru natna an nei miau a, kha kha kan tihdamsak a pawimawh hmasa a ni, tin, an eiduh chu eng pawh eitir mai apawina a awm lo.. A enkawltu te anpawimawh zual, anchak in, an ei leh in a tha tur a ni.

MIPA NAUPANG KUT BAWR THANGLIAN VAK CHU SIKUL ATANGIN HNAWTCHHUAK

MIPA NAUPANG KUT BAWR
THANGLIAN VAK CHU SIKUL
ATANGIN HNAWTCHHUAK
Kaleem (8) East India lam mi chu
a kut bawr a thang lian vak mai a,
hei vang hian zirtirtu chuan sikul
naupang dangin an hlau nia sawiin
sikul kal ve tawh lo mai turin a hriattir.
Kaleem-a kut hi doctor te pawhin
mak an ti hle a, 'lympangioma'
emaw 'hamartoma' emaw vang
niah an ngaihsak a, han enkawl a
surgery te titurin an chhungkua an
rethei a, thla khata an sum lakluh
pawh £15 chauh niin an sawi.
Kaleem hian cricket a ngaina hle a,
tunah chuan kawr hak te,
pheikhawk hrui suih te leh thil
hrang hrang tih a tan a harsa hle
a, mite pawhin endawngin an
thinhrik hial a, hreawm a ti hle a
ni. A pa Shamim (45) chuan
doctor te chuan enkawl dam theih
anih an ring a, mahse; enkawlna
tur sum a ngai tam si a, kan la tlin
rih lo a ni a ti. A kut bawr hi a
tawn tawnin kg 8 vela rit nia sawi
a ni.

BEKANG HNUTE (SOYA MILK) LEH SOYA MAYONAISSE SIAM DAN

Sa lam chi tih lohah chuan Bekang hi protein tamna berte zing a mi a ni a, A pulung a ei ngawt hi ninawm lamah a kal hma a. A um a ei lahin vitamins leh chakna dang a kal bo ngei dawn tih a a lang a, awlsam tein Bekang hnute hi a siam theih a, i han siam dawn teh ang.Mamawhte

1. Bekang hum- ½ kg
2. Tuisik- No 10
3. Vanila essence - thirfiante khat
4. Chini - ¼ cup or duh ang tawk.

Bekang hum chu bawlhhlawh zawng zawng i thenfai hnuah tui ah chiah la, A puam/nem tawk chiah a ngaih avangin darkar 10-12 tal chiah rawh. Chumi hnuchuan a tui chu paih la, Grinder in her dip rawh. Grinder kan nei remchang lo a nih pawhin sum fai takah chip takin deng dip rawh.
Bekang her/den chip sa chu Belfai takah dah la, Tui chu zawimuangin pawlh la, fian in emaw uluk takin chawh pawlh ang che. Sum a kan deng lo a blender/grinder a kan her a nih chuan tui kha a her ti nuam tu lehkan thilsiam chawhpawlh that nan tui leih tel zel a tha khawp mai.
Chutiang a bekang leh tuisiktha tak a a in pawlh hnu chuan, puan fai takin sawr tur a ni. Kan thil her dip nawi a tla tel tur a ni lo. Chu mi hnuah belah chhuan a,minute 10 vel tal chhuan so tur a ni. Vanila leh chini kha telh la, Bawnghnute pangngai ang nihphung a neih tawh avangin a so liam tur uluk takin veng ang che. Chuan.. Bekang bawnghnute tui tak i nei ta. Bekang hnute sawngbawl hian kan bungbel leh pawlh tur hrang hrang hi a thiang hlim hle tur a ni. A chhan bekang hnute hian bawnghnute nihphung a neih vekavangin a chhe hma em em a ni.Moyonnaise :
Mamawhte:
1.Soya Milk- 1 Cup
2. Refine Oil- 1 cup
3- Sertui/Vinegar- 1 Thirfian
4- Chi – sawhkhat5- chini- 2 thirfian.

Heng chawhpawlh hi Grinder ah her la, Moyonnaise, company siam ai a tui i nei thei tawh ang.
By - Lungduh Sanga

Cancer Hneh Theihna Leh Do Dan Dangdai

Cancer hi mitin hmelma lian beranih avang hian a do leh hneh dan hi kawng  hrang hrangin sawi fo tawh a niin article emaw lehkhabu ziah tepawh tam tak a awm a in chhiar tawh ngei thin ang. Zoram lamah pawh hriselna lamah kawng hrang hranga hmasawnna awmin Central Sorkar lam atanga hriatpui thleng anih thu chanchinbua kan chhiar te hi a lawmawm hle a ni. Mahse cancer  lamah hian hma kan sawn vaklo pawh a ang hle. TV-a zualko an tar thinah hian thih chhan an ziahah  cancer hi a tam ber ni awmin a lang. October 19, 2012  Vulmawi atanga internet-a kan lo hmuh danin kan Parliamentary Secretary, Pu S. Laldingliana chuan, ”India rama cancer damdawiin lian ber berah a tam ber chu Mizote kan ni,” tih thu a rawn sawi a.  Kan ramah hian cancer hi a la hluar hle a ni tih a lang a. Cancer ven nan leh a vei te enkawl nan damdawiin hial din a ni ta. Kan sorkar leh ram hrang hrang  sorkar te pawhin cancer venna leh enkawl nan  an inseng nasa hle tawh ang.Hetichung hian  cancer avangin mi tam takin pawisa tamtak an senga   kum tin nunna tamtak kan chan si. Mitinin kan hriat tur chu cancer hi Pathian aiin a chaklo zawka hneh theih a ni tih hi a ni. Tun darkar ngei hian i chhungte emaw nangmah ngei pawhin he hmelma hi i hmachhawn mek a ni thei e.  Hneh theih a ni. Bible chuan, “Pathian tan thil theihloh a awm lo,” a tih angin, he natna hi i vei a ni thei e, i hneh ngei ang tih ring tlat ang che.Cancer dona atana tangkai tak pakhat chu ‘hlauhna’ (fear) hneh a ni. Eleonor Roosevelt chuan, “Hlauhna ka tawhin huai takin ka hmachhawn thin. Chu chuan chakna thar te  hnehna leh huaisenna min pe thin,” a ti a.  Chutiang chuan cancer hi hlau lovin  huai taka kan hmachhawn chuan hnehna kan chang ngei ang.Daktawr pakhat Lorraine Day an tih chu hnute cancer a vei a. A awm chhung vela a tihrawlah te chuan zung a kai vek tawh a. A daktawr te chuan, “Cancer i vei i thi dawn, chemotherapy lak a ngai ang,” tiin an hrilh a. Mahse, Daktawr Day hian a cancer vei chu hlau miah lovin a machhawn ta a. Chemotherapy pawh chu a la duh chuang hek lo. Pathian ringing tawngtaina nen a inenkawl ta a. Kan taksa hi Bible-in min hrilh angin Pathianin a ma duh zawng leh ama an puia siam kan ni a, natna leh cancer te hian han bawm thin mahse, ei dan dik lehnun dan thlakin amah leh mah hia lo in tidam ve thei a ni tih a ring tlat bawk a. Tichuan, Pathianin Eden huana kan ei tur a lo duan sa chu ringin a inenkawl ta a. Rei lo deuhah chuan a cancer chu a lo dam ta hmiah mai a ni. Lalpa chu fakin awm rawh se.Mi pakhat, Ann Frahm chanchin hi ka rawn ziak tawh a,ropui leh huaisen ka tih em avangin kan tarlang leh duh a. Ann-i hian hnute cancer a vei a, a lo darh zau tawh hle a. Mahse Ann chuan, “Fa te tak te te pahnih ka nei a thih san thei ka ni lo, ka theih tawpin ka do ang a, daktawr ten titura an tih apiang chu ka kal tlang ang,” tiina rilru a siam a. Tichuan, zai a tawk a, radiation leh chemotherapy te chu an nei a, engmah a sawt chuang lo. A thling te an thlak sak a, damdawiinah hian a tap rawt hi a ni ber mai. Thisen ringawt pawh unit 100 pek a ni. Antibiotic chak pui pui an pe a, engmah a sawt chuang si lo va. A tawpah chuan daktawrte chuan thi turin an haw tir ta ringawt mai a.Ann Frahm hi Pathian ring mi a ni a. Beidawng leh hlau miah lovin he a hmelma lian, a cancer vei chu a hmachhawn ta a. Eden huan chaw hi tuten emaw an hrilh a. Tichuan theituisawrna a lei a, thei leh thlai leh ahnah te a sawr a, darkar tinin a in ta tlat tlat mai a. Chawlhkar nga hnuah chuan a lo tha ta hle mai a ni. Eden huan chaw chu a ring zawm ta zel a, rei vak lovah chuan a daktawr thi tura in lamahaw tirtute kha a va hmu chu mak an ti kher mai. Daktawrte khan an han exam khan cancer an hmu ta miah lo a ni. A ropui hle mai tirawh u maw! Lalpa chufakin awm rawh se.Tun lai damdawi tha leh inenkawlna changkang zawk hmangin leh nun dan thlak ngai te thlakin  cancer vei tamtakin damna an hmuh laiin mi tamtak chuan Pathian thiltihteihna ringin urhsun taka tawngtaina nen damna an hmu mek bawk a ni.Cancer hneh tur hian thil pawimawh tak pakhat leh chu a lo intanna dan hriat a ni. Bible inmin hrilh angin kan taksa hi, “Mak tak leh hlauhawm taka siam kan ni,” a ti a.  (Sam 139:14) Mihring taksa Pathianin a siam dan hi a makin a ropui em em a ni. Khawl ropui tak angin a ngaituah theih bawk a. Kan taksa  bung hrang hrang te hi khawl anga an thawh ho dan te hi a makin sawifiah pawh a harsa a ni. Mihring hi timur (cells) tamtak inzawmkhawm ten an siam a ni a. Kan taksa bung hrang hrang ten an thawh tur an thawh theuh theihna turinenglai pawhin cells (mur) thar a siam reng a. Heng kan cells te hi an than a kin hnuah an thi ve thin. Amaherawh chu heng cancer cells te hi timur pangngai ang lo deuhvin an thang sual a, an bula cell thate hnathawh kha a tibuai ta thin a ni. Kan taksa a chak chuan hengcancer cells te hi an che thei lo va, taksa a chakloh veleh an rawn pung thuai a, cancer vei kan ni mai thin. Hei hi hun rei tak chhunga zawi zawia lo awm a ni.Chuvangin taksaa natna dotheihna immune system chaktak kan neih reng hi a pawimawh em em a ni. Cancer hmelma lian ber chu natna do theihna (immune system) chak tak neih hi a ni. Ziaktu thenkhat chuan, cancer leh natna reng reng hi kan immune system chakloh vang a ni an ti.  Natna do theihna, a  chak chuan cancer cells ten invulh lenna hun an nei thei lo vang. Cancer do tur chuan a hmelma lian ber taksa chak leh hrisel tha hi kan neih reng a tul em em a ni. Dr. Susan Love of UCLA, hnute cancer zai thin chuan, “Hnute cancer za zeal 30 (30%) hi mi hrisel pangai an nih chuan a rehleh mai thin,” a ti.

Natna Do Pawl, (Immune System) Chak Tak Neih Dan:
1.      Chaw tha (balanced diet) ei a pawimawh.  Dr. Don Colbert chuan, “Cancer reng reng hi hmun thuma thena hmun hnih hi ei leh in dan tha leh nun dan tha atangin hneh theih a ni,” a ti. Chaw tha leh hrisel kan eichuan taksa hrisel tak kan nei ang a, natna hrik ten minbeih pawhin hneh theih lovin kan    awm ang. Chaw tha leh hrisel chu engnge ni kan tih chuan, Pathianin a mi siamte amah an pui leh aduh dan ang taka a siam te tana a ruat chu Eden huanah khan a pe a ni. Chu chu Genesis 1:29 na a mi, “Ngai teh u, lei chung zawng zawnga thlai chi nei awm tinreng, thing chi nei rah awmnate chu ka pe che u a ni, in chaw atan a ni ang.”  He Eden huan chawah hian tunlai scientistleh ei rel bawl thiam mi ten mihringte hriselna tura an sawi, balance diet hi a awm kim vek a ni. Thau thalo, cholesterol thisen dawt ti phui veka min hnawh hlum thei chi an tih te hi a awm lo.

2.      Natna do theihna chak tak nei turin ril (intestine) hrisel a pawimawh. Kan ril hian natna do theihna hi za a 80 (80%) vel hi a thunun a ni an ti. Ril lam hrisel tak neiturin fiber (dietary fiber) hi apawimawh em em a. A  chunga kan sawi tak, Eden huana Pathianin mihringte eitura a pekah hian fiber a tam hle a ni. Fiber hnathawhdan chu kan rawn sawi fo tawh thina, lapua in tui a hipang hian kan thil eia thau thalo cholesterol te kha a lo hip a, chung thau tha lo te chu ek lamah a paih chhuahtir thin a ni. Mi thiam te lo hriat tawhna atangin thau eitam hian cancer a siam thei an ti a ni. USA hi rilpui cancerah hian khawvelah an sang em em a, sa leh a thau an ei tam vang a ni an ti bawk. Saah hian fiber a awm lo. Thlai tharlam tha leh thei tam tawk ei fo a tangkai. Thlum leh thei leh thlai tin a mi (processed food) a tlem thei ang bera eia tha bawk.

3.      Antioxidant chak neih. Antioxidant hnathawh dan chu kan rawn sawi tawh thin a. Kan taksaa englai pawha thil thleng reng, kan thawkna atana thil pawimawh tak, oxygen vanga thleng a ni. Kan chawei leh thil ei reng reng hi kantaksain a hman tangkai theih nan oxygen hian a lo pawlh a ngai a. He chemicalreaction hi  oxidation an ti a.Heta tanga free radical hi lo insiam chhuak a ni. Kan hmuihmer leh thau  ei ah te hian a tam bik a. Antioxidanthi heng free radical   thianfaitu a ni. Free radicals hi mithiamte lo zir tawhna atangin kan timur laimu a ti chhiain cancer awm theihnaatana sulsutu pawimawh tak a ni. Antioxidant hi thlai leh thlai hnah hring leh theiah an tam a ni. Tin, ai eng (tumeric) leh purun var (garlic) hi antioxidant chak tak an ni bawk.

4.      Ni eng (sunshine). Ni eng a awm tam hi a pawimawh em em a ni. Ni sa hian kan taksa a han em hian kan taksa, timur (cell) pawimawh tak tak pahnih lymphocytes (white blood cells) leh red blood cells, a siam tam tir a ni. Lymphocytes hi natna dotu an ni a  natna hrikin min hanbeih veleh hian an mahni doturin an lo pung khawm chiam thin. Lymphocytes zingah hian T-cells an tih hi an awm a, an ni hi cancer cells lo pung khawm tur vengtute an ni deuh bik a ni.Hnute cancer bawk velah hian heng lymphocytes te an bawr khawm tam chuan an cancer vei hi remission an han nei a, a dam hlen nge nge thin a ni. Tin, red blood cells hi chu kan taksa bung hrang hranga oxygen phur darhtu an ni. Tin. Ni eng atanga a thlawna kan Vitamin D hmuh hi cancer do nan  tangkaina a nei a. Kan thin (liver) leh kal (kidneys) te hian Vitamin D atang hian hormone pakhat calcitriol an tih hi an siam thei a. Calcitriol hian cancercells te lo do  let ve theih na a nei an ti bawk. Dr. Joe Ellen Welsh chuan New York State University-ah hnute cancer cells awm khawmah khan calcitriol hi a thuna rei vak lovah chuan a chanve chu an thi nghal mai a ni tih a sawi.

5.      Exercise pawimawh zia sawi tam vak pawh ngai lovin kan hre tlang vekin ka ring.

6.      Pathiana rinna nghah tlata lawmna chang hre mi nih. Bible chuan Thufingte 17:22ah “Thinlung hlim hi damdawi tha tak a ni,” a ti a.Tin, zawlnei Ellen G. White chuan, “Lawmna leh fakna thinlung aia taksa leh thlarau tihrisel thei zawk eng dang mah a awm lo,” a ti. Tihdam Rawngbawlna p.242  Helaia zawlnei thusawi leh Bible thu hi tunlai scientist ho hian an fiah zel a ni. Mi hlimthei apiang zingah cancer a tlemtih hi an zirnaah an hmu.

Awle, cancer do dan hrang hrang, mi thiam tak takte, ziak mi leh zir mi te hnen atanga lak khawm chu kan han ziak ve ta duah a. He article hi ka buatsaihlaia ka rilrua thil lo lang lian ber chu, he mi tamtak hmelma lian ber, cancer hi do tur hian mi tin tihtheih vek mai a ni tih hi a ni. Cancer vei mek kan nih chuan Isua Krista zarah, a chunga kan han sawi tak thenkhat ten damna an hmu ang hian hnehnakan nei ngei ang, Pathian aiin a chak lo zawk a ni, tih hi ring tlat ila, kan hneh ngei ang. Patian hi kan vel thil engkimahah hmuh theihin a awm a, a hmangaihna tawp neilo, tuifinriat aia thuk zawk chuan min hmangaih reng a ni.

Chhiartu duhtakte, Lalpa’n kawng tinrengin malsawmin awmpui theuh che u rawh se.

Source : Mizosdachurch / Mizo websites

Still Wait For You

Zing ni chhuak,ka pindan tukverh rawn em eng phut tu chuan min rawn kai harh zawk emaw tih tur hian ka harh zawk a.Ka mit zan lama ka mittui tlak nasat em avanga bui vek chuan ka meng ve tawk tawk a.Ka rilru ah angai te bawkin ka tah ka bantheih loh na chhan chu a rawn lang leh ta.Heng ka beiseina tlemte hi beidawnna hian a hliahbo mai chu ka hlau takzet a,mahse ka beiseina a dingnghet reng tur in tan chhan emaw beiseina hnar ka nei si lo.Hun kal ta a ka tawngtainaah chuan i tan ka tha tawk lo anih chuan kal tir tur che a huaisennaka dil thin.Tunah erawh i tan ka that tawk loh vangin kalsan ka nia,mahse kal tir tur che in huaisenna pek tel ka ni leh si lo.
Ngati nge a rual a pek ka nih mai loh le ka ti fo thin. Nang neihlet che hi thil awlai lo tak zawng a ni ti raw..ka theih tawp leh tlem ka chhuah pawhin chhannahlimawm hriattir ka ni ngai si lo.Mahse heng ai hian theihngilhche hi a har ang tih ka hria a ni.Duhtak ka tihpalh a ni.I kawng zawng lai keiin ka lo zawhpui che hian kawng mam leh nuam tak ni thin kha kawng bumboh leh harsatna kawng an chang zel si.
He hmeichhe mawl tak hian a hmui ah lipstick nalh ber ber te inhnawihin,mascara man to tak tak a nunphung nen a inmil lo hial khawp te hmangin,a kawr tunlai ber ber a hak apianga nangman nalh iti angemle tih a ngaihtuah ziah thin te hi 'Boihte,i nalh lutuk' tiin tawngkam khat tal han fah ve la chuan hriatrengna hlimawm tak pakhat chauh pawh i hnutchhiahve ni mai tur.
Mahse, chung zawng zawng aia ka duh chu maw ka hmangaihna che hrethiama vawikhat chiah ilo let leh hi a ni.Vawi khat chiah ilo kir leh anih chuan ka thlah tawh ngai lo ang che.
By-Rpy

Hmasawn tur kan nih laiin

1. Naupang nia inngaihna- 'Kei chu ka la naupang a, hun ka la ngah' tih ngawt hi chhuanlam a tling lo, naupang emaw i intih lai khan darkar, hun leh kum te an liam zel a.. I nih tur ang, i than tur ang thang hman lovin kum upatna in a la nang ang che. Chumi hunah chuan i naupan avanga i hlen tak loh thilte chu inchhirin i la thlir ang.

2. Upatna chhuanlam- I upa tawh a,'hei chu ka tih chi a ni ve lo, thalai tam tak an awm a, an nin an thiam zawk ang' tia midang tih atan a i hlan chhung chu thiltha chhuak tur a awm ngai lovang. Tar leh upa te ngaihtuahna chu a tlemin, hnemhnanna a awmlo dawn em ni? Hun leh ni pal tam tawh te ngaihtuahna chu a zauvin hmasawnna kawngah pawh tawnhriat tawh avanga thil tha chhuak tur a tam zawkin ka ring tlat a ni.

3. Hniam bik a inhriatna- I than theih lohna chu mite aia tha lo bik leh tlawm riau a inhriatna hi a ni. Mite phak lo nia i inhriat chhung chu mite i phak ngai lovang. 'Ka ti ve thei' tia infuih nachang i hriat hunah i theihna alo lang chauh ang. Chu chuan mihring hmasawnah a siam ang che.

4 Mite chung a leng nia i inhriat chuan chu chuan chapona leh midang pawisak lohna a pe ang che.. I tlakchhiatna tur kawng i zawh tan ta.. Midangte zai ngai miah lova, midangte hnuai chhiah mi i nih chuan hmasawnna aiah hnungtlawlhin hniamlam i pan tihna a ni. Hmasawnna chu mi dangte nen a rem tak a thawh ho na ah a innghat ve tlat si a.
By-Lynda-i Nu Khawlhring(Seni Khawlhring)

Mobile atanga internet setting dilna te

Mobile phone a internet connection nei tur chuan GPRS configuration settings kan neih hmasak a ngai a. Hei hi kan service provider te atangin dil mai theih a ni.
Hetiang hian settings i nei thei ang:-
Airtel - SMS ‘FUN’ to 543210 or SMS ‘MO’ to 543210 or SMS 'LIVE' to 121.
BSNL - SMS ‘LIVE’ to 58355 or call 9400024365 or Sms GPRS to 53733 or call 94000 24365.
Vodafone - SMS ‘VL’ to 52586 and SMS ‘VMC’ to 52586SMS ‘ACT VL’ to 144 and SMS ‘ACT VMC’ to 144, • Postpaid customers, sms ACT VL to 111 (toll free).
Aircel - SMS 'PI'' to 121. Idea - SMS 'SET' to 54671.
Reliance - SMS ALL'' to 55100. Loop Mobile (BPL Mobile) - Call 50800 to activate your GPRS service.
MTNL - Sms ACT GPRS to 444.

Hringnun khawvel hi

NAUPANG CHU
sawisel fona hnuaia a sei len chuan, midang
dem a ching ang.
fak fona hnuaia a sei len chuan, mi chawimawi
a zir ang.
innghir nghona hnuaia a sei len chuan, mi
tihbuai a ching ang.
tawrhchhelna hnuai a sei len chuan, dawh
theih a zir thin.
innuihsawh fona hnuaia a seilen chuan, a
inkiltawih thin.
fuih fona hnuaia a seilen chuan,mahni inrin
tawk a zir thin.
tihmualpho fona hnuaia a sei len chuan, insit a
zir thin.
rinawmna hnuaia a sei len chuan, dikna a zir
thin.
hlimna hnuaia a sei len chuan, rinna neih a zir
thin.
inremna hnuaia a sei len chuan, hmangaihna a
zawng thin

Khawvel Mihausa 20 te

1. Carlos Slim Helu and family. Mexico. Telecoms. 53.5 billion dollars.
2. Bill Gates. US. Microsoft. 53 billion dollars.
3. Warren Buffett. US. Berkshire Hathaway. 47 billion dollars.
4. Mukesh Ambani. India. Oil, gas. 29 billion dollars.
5. Lakshmi Mittal. India. Steel. 28.7 billion dollars.
6. Lawrence Ellison. US. Oracle. 28 billion dollars.
7. Bernard Arnault. France. LVMH luxury goods. 27.5 billion dollars.
8. Eike Batista. Brazil. Mining, oil.27 billion dollars.
9. Amancio Ortega. Spain. Clothing retail. 25 billion dollars.
10. Karl Albrecht. Germany. Supermarkets. 23.5 billion dollars.
11. Ingvar Kamprad and family. Sweden. Ikea. 23 billion dollars.
12. Christy Walton and family. US. Walmart. 22.5 billion dollars.
13. Stefan Persson. Sweden. Hennes and Mauritz. 22.4 billion dollars.
14. Li Ka-shing. Hong Kong. Diversified. 21 billion dollars.
15. Jim Walton. US. Walmart. 20.7 billion dollars.
16. Alice Walton. US. Walmart. 20.6 billion dollars.
17. Liliane Bettencourt. France. L’Oreal. 20 billion dollars.
18. S. Robson Walton. Walmart. 19.8 billion dollars.
19. Prince Alwaleed Bin Talal Alsaud. Saudi Arabia. Investments. 19.4 billion dollars.
20. David Thomson and family. Canada. Inheritance. 19 billion dollars.

WIFI HMANGA INTERNET KHOIH THEI TURIN ENGE TIH NGAI A ENGE HRIAT TUR:

A hmasa berin wifi hi internet khoih na ringot nilo in bluetooth ang tho a data transfer na a ni tih hriat a poimoh (bluetooth ni si lo, thil chak deuh deuh a an in thawn thin na kha wifi hi a ni), a pe chhuak thei hardware i mamawha, chung te chu:1.Wifi usb adapter: Hei hi pendrive ang deuh in a awm a, usb a vih luh tur a ni2.Modem/Router: Modem leh router, a hnathawh a inanglo deuh (sawi thui lo mai ang a tangkai lo). Broadband connection tih chuan modem hi neih a ngai a, chutah chuan wifi pe chhuak thei leh theilo a awm ve a, in lei dawn a nih chuan chuchu hriat a poimoh3.Laptop inbuilt Wifi: Hei chu laptop ah hian wifi a awm sa a, 1nen khian a thawh dan a in ang chiah4.Smartphone: Wifi tethering orhotspotHeng ho hian internet tel miah lo in wifi a pe chhuak thei. internet khoih nan a i hmang duh a nih chuan:
1.Wifi usb adapter: computer ah internet connection i neih a ngai. dongle, broadband etc.  wifi signal pe chhuak thei tur chuan windows a network settings atrangin emaw software dang hmangin a tih theih a, kei chuan connectifysoftware hi ka fak ber.
2.Modem/Router: broadband connection neih a ngai, tunah Mizoram ah chuanbsnl,net surf , next commin an pe chhuak thei tawh.
3.Laptop inbuild wifi: 1 ang chiah khi a ni mai.
4.Smartphone: data connectiona ngai a, sim card hmanga internet connect a ngai, wifi pe chhuak thei tur chuan settings>wireless and networks>More...> Tethering & portable hotsopt>portable wifi hotspot tih atranga set a, pek chhuah mai tur a ni.
(Phone a zirin a in ang lo maithei bawk, tinhei hi android group bik a nih vangin android a tih dan chauh ziah a ni).
*Hemi hmang hian thiante/chhungte/bulhnai ami teinternet pawh a hman pui theih tihna a ni(Heng lo pawh hi dongle/data card wifi pechhuak thei a awm tho a, tiang kha chu a software ah khan wifi on na awm nghal mai turah ka ngai. Chutiang lo pawh chu chidang a la awm maithei a ni, la hman ve loh leh la test ve loh vangin ziah lan an ni ve lem lo)

Pumpui Na Leh Pumpui Chak Lo

Pumpui Na leh Pumpui Chak lo :
Pumpuia thur tam lutukin pumpui chak lo, pumpui lawng, pumpui pân, thi-a luak leh êk dum a lo awm thei. Pumpui pân(Peptic Ulcer) chu hun reiah pumpui cancer ah a inlet thei.

THUR TICHHUAK TAM THEI TE :
1.Zuk leh hmuam - Meizial, Kuhva, Sahdah, Tuibur..etc
2.Chaw hunbi nei lova ei leh pum ruaka awm rei.
Pum huat zawng thlah phal silova damdawi ei chu, kang țhelh tuma sahriak thehrûk țhin ang a ni a.
Chuvang chuan pumpui damdawi ei ngai i nih chuan:
1.Zu, Zuk leh hmuam thlah vek la.
2.Chaw tlem deuh hunbi neiin ei țhin la.
3.Hmarcha thak , thil sak leh um uih ei lo la.
4.Thingpui/Coffee in tlem la.
5.Taksa leh rilru tihahdam la.
6.Tin, damdawi țha takin ei angche.

"I PUMPUI DUAT NACHANG HRIA LA, TICHUAN , A DUAT LET VE DAWN CHE NIA"

Thei Thatna Leh A eidan tur

Thei Thatna Leh A Eidan Tur:
Balhla:
Balhla hian vitamin B6, B12 leh Vitamin A te a pai hnem em em a, chu chu vun mam nan leh mit tan a țha a ni.
Tin, iron a pai tel bawk a, pum ruak a ei chuan a iron pai khan pum a tihkan theih avangin thin thip te, pumnâ te a siam thei a, chuvangin balhla hi pumruak a ei loh tur a ni. Chaw ei puar laia ei tur a ni.
Apple :
Apple ah hian vitamin C leh mineral tamtak a awm bakah anti-oxydant , chu chu kan taksa upa tur a veng a, min tilang naupang(young) thei a ni.
Mahse, apple hi thil țawih awl tak a ni a, pai țawih awl tak a nih avang hian chaw ei puar laia ei a nih chuan pumin a pai țawih turin a hmaa a lo pai tawh sa a pai țawih phawt a ngai ve a, chumi chhung chuan a lo in um (ferment) hman țhin. A chakna pai tamtak a lo bo hman țhin avangin, pum ruah laia ei a hlawk ta ber a nih chu.
Serthlum:
Serthlum hian vitamin C a pai hnem hle a. Kan taksaa natna hrik dotu leh vun chawmtu țha tak a ni.
Mhse, vitamin C hi water soluble a ni a, kan taksaah vawikhat kan ei țawk kha a inchhekkhawl ve lova, chuvangin nitin tam lem lova a thar zela ei a fuh ber a ni.
Serthlum te hi vawikhat a tamtak ei chuan a hek thlawn mai dawn a ni. A hek thlawn mai dawn a, zun ah a kalral mai mai dawn a ni.
Thingfanghma:
Thingfanghma ah hian vitamin A te, enzymes te a tam em em a. Mit tan leh vun tana țha , pum ulcer tana damdawi țha tak a pai a ni. Amaherawhchu, hei pawh hi zingkar pum ruah laia ei hian pum ulcer nei tan a țha hle a, pum ulcer a chiah dam ve thei.

Cancer Hospital Zemabawk

He Cancer Hospital hi kum 2006-ah sak tan a ni a, cheng nuai 80 senga sak a ni.  Basement-II atan cheng nuai 30 sen belh a ni a, a vaiin cheng nuai 120 sen a ni. Khawl changkang tak tak he Cancer Hospital-a hman tur atan hian lei a ni bawk.National Cancer Control Programme (NCCP) hnuaiah hian sum engemawzat dawn a ni tawh a, chung hmang chuan RCC atan hmalak a ni. District level-ah pawh District Cancer Control Programme (DCCP) kalpuiin Cancer Detection Camp/Awareness Programme te khaw hrang hrangah neih a ni tawh a,mipui ten an chhawr tangkai em em a, tun thlengin hei hi kalpui reng a ni.Chemotherapy (Chemo lakna) leh Radiotherapy (Cancer hemna) tluang taka kalpui zel tum a nih bakah Cancer inentrna Clinic pangngai CivilHospital, Aizawl-ah a hma anga kalpui zel tum a ni.

Artui chhumdan tur

Share :

Hmangchang ↓

Artui chhumna tui ah chi(salt) phul hian , artui hmin hunah kheh a tiawlsam.

He thu hi mi tamtak ka lo hrilh fo tawh țhin a, thingpui stall neite hnena ka sawi te hian an awihlo fo mai. Pu A.Sawihlira , Mizoram Board Of School President ni țhin khan a taka a lo enchhin tawh a ni a. Mizote hian he hmangchang hote hi kan apply peihlo fo a, kan sumdawnna ah Artui hminsa zawrhna a tam hlea, kheh a har chuan miten min dawr țha duh dawn lo a ni. Tin, chi hi telh tam a ngai lova, thirfiante khat bak a ngai lo a ni. Vawin hian han test ve teh le...

Mobile Camera Lense

Mobile camera țha, man to deuh a kan ngaih ho pawh hi keini internet muang lutk ah chuan a nihdan tur angin hman țangkai hleihtheih pawh an va ni lo em ..

Eg : Samsung Galaxy S4 mini te, Galaxy Note II te , pawh camera megapixel an sang a, image quality pawh an țha. Mahse, fb lama han post dawn chuan a file a lo large viau zela, 5megapixel Camera phone a kan lak pawh 1.6mb(1000+kb) lai an ni fo mai.

Sawrtet fe loh chuan internet vela upload chi pawh a ni love. Hei vang hian Camera resolution kan han adjust ve leh bawk ţhin a. Resolution hniam zawkah te kan han set leh a, 1600x1200 ah te han dah mah ila, a captured file chu a la lian tho tho, heng vang hian kan photo te sawrtet nan tiin playstore ah te eng engemaw application te kan dap kual fo reng a ni.

Mahni buai buaiin kan buai ta a ni. Tichuan, mobile camera resolution sang, megapixel sang chu nakin lawkah kan la hnualsuat duh ngei dawn niin ka hria a. Resolution sang aiin lense lam țha , optical zoom support te kan la thlang zawk anga, kan photo quality te pawh a țha bik dawn a ni. Chuvangin, Mobile camera țha i duh chuan LENSE ah khan buai angche..  :-)