Hriangtlang chanchin tlangpui hetiang a ni :
Hriangtlang hi mizoram ah chuan thingtlang khaw nuam ber pawl a tling a, tunah hian In 100 chuang a awm mek a. Mizoram laili taka awm niin, Serchhip district chhunga awm ani a, Serchhip ațanga a hlat zawng hi 15km vel ani.A khaw chhak lamah Tuisăng leh Tuichăng in a hual vel a, thlang lamah Tuikum leh Tuichawm in a hual vel bawk ani.
Mizorama Bung lian ber pawh tunah Hriangtlang ahhian a awm mek a, hei hian khualzin mi te a hip thei hle ani.A mi chengte an hriselin, Nula,tlangval te an hmelțha hle a. A kal tawh chuan haw leh nachangan hrelo fo rěng ani.
Kal ve ngei i laduh a rinawm a. I kal ve duh anih chuan Serchhip Sailiam kawn atangin direct-in motor kawng a tlang ruah bawk.Hriangtlang hming phuah chhan himitam zawkte rindan chuan, a khua lo dintute khan Hriang thing atam em avanga Hriangtlang phuah ta mai niin an ngai deuh vek a.Hriangtlanga lo cheng hmasa te hi mi tlemtě an ni a. Tunhma (kum 100+ kal ta) kha chuan, Hriang(thing chikhat) hi a tam thei hle a, tuna field bul lawka Hrianghuai tlang an tihah phei hi chuan thlahrang (hriang huai) a awm niin an sawi țhin.Hriang thing an han sat a, a kung lerah naute țap thawm an hre fo niin an sawi...
No comments:
Post a Comment