Tûr (Poison)? Damdawi?
He hnim hming hi Ageratina adenophora emaw Eupatorium adenophorum an ti, common name hi Crofton weed emaw Mexican Devil an ti bawk. Post thenkhat ah damdawi tha ti a post a awm vangin, kan sawi ve hlek teh ang. He hnim hi Hnim Tûr nei zunga chhiartel a ni. Sakawr in an ei chuan Numinbah Horse Sickness, Tallebudgera Horse Disease an tih mai a thlen a Thawkna a ti buai a, chuap a khawih chhia a, a tûr hi A. adenophora a ni a, Sakawr farm thenkhat chu he hnim vang hian an thi mang vek a ni. He hnim hi Swiss albino mice (Sazu var) ah en chhin a ni a hepatotoxic, thin Liver a tichhia tih hmuh chhuah a ni bawk. He hnim a mi Pyrrolizidine alkaloids (PAs) hi Sakawr thawkna tibuai tu leh thlentu ni a ngaih a ni. Ram then khat chuan a tui sawr emaw a hnah nuai emaw hi tlangsam kan hman ang deuh hian pem dam dawi, thisen put reh thei lo ah te an hnawih a atha ti a sawi a ni. Mahse a chhumtui te a hnah leh zungte i lo ei vak vak chuan i Thin, Kal leh organs thenkhat te a ti chhe thei tih hriat a tha e.
Post dang leh ah chuan tihian post a awm bawk:
KAL LEH ZUN KAWNG LAMA HARSATNA NEI TAN.
Thlalak ka rawn post hi kawngsirah te a awm nghek nghuk mai a, hei hi Kal function tha tawh lo te, dialysis tihngai tawh te pawhin an dampui a ni. Kal a lung awm leh zun kawng hnai awm pawhin an dampui bawk. A tha viau a nia. Fai taka silin chhuma a tui in mai tur a ni. A tui hi a kha-in a hiar deuh a, vawikhata rial no khat pur(h) pur(h) a in chuan BP te tihniamin pum lamin a duh lo thei. 15 ml vela in kha a tawk mai. Nikhatah vawi 2 emaw vawi 3 emawin.
BELHNA
Falkawn khua Pu Vanthangpuia nupui Pi Tanin a dampui a, a ni hi Dr. Mahruaiin a enkawl lai, Dialysis tih ngai tawh a ni a, Ama sawi dan takin, "Dialysis kan tih chuan ka thi mai ang tih ka hlau a (Thi mai tur khawp a na a ni ve reng bawk a) thlakhat chhung nikhatah vawithumin 15ml velin ka ei a, ka incheck leh chuan ka lo normal vek a, Dr. Mahruaii chuan min ringhlel a, kan Laboratory hi a tha lo a niang, Privateah va titha leh rawn min a, Testna man tur pawisa kha ka ui khawp a, mahse Dr.in min ti bawk si a, Aizawlah kan va test leh a, chutah pawh chuan a result a tha vek si a, mak a ti khawp mai !" tiin a sawi. An thenawm Pi Ruatkimi kal a lungte awmin a zungchhuak bawk a. Tin Tuithiang venga Pu Chhanga Fapa kal function tha tawh lo phai a an refer ngei pawhin a dampui bawk. Kei hi zunthlum ka neih ve a vangin hian kal vennan a khat tawkin kar 2 chhung vel ka in ziah thin bawk.
A HLAU CHUAN EI LOH MAI TUR.
No comments:
Post a Comment