Hruipăwl hnah chawhmeh leh damdawi :
Hruipăwl hnah hi a hmasain chawhmeh tui tak anih thu hi uar taka sawi hmasak a ngai niin ka hria.
A hnah chu i la anga, i silfai hnuah tel nen i kang tawh mai dawn.ani.
A hlanga kan(curry) a tui mai bakah , tuidan dang leh ah chuan thildang nena sawngbawl(mixed) hi a tui khawp mai.
Dal kan ah Anthűr tlem i telh anga, a pawlhthur deuh turin hruipawl hnah tlem han telh leh chhin teh, hruipawl hian rim a nei hran lova, anthur leh sawhthing rim ten an luahkhat fo thin zawk ani.
A hlanga kan pawh hian Hruipawl hnah chu a tui hlea, nghapih tlem telh phei chuan a hangtui duh hle.
Myanmar ram , kawlphai ah chuan chawhmeh tui berah an ngai hial ani. Keini Mizo te pawh hian chin ve chi tak anih ka ring.
Chuan , a tui mai bakah pumpui ulcer nei tan a tha hlea, amah ah hian vitamin C a awm tha hle bawk ani.
Hruipawl hi Kan ram ah a tam hlea, ramhnuaiah han kal hlek ila, hmun thenkhatah phei chuan hnawksak khawpin a tam thin.
A hrui(kung) hi kutin han khawih ila, maipawl ang mai hian kut a tivar thei a, kutah pawh a kai duh hle ani,
Hawh u, vawin atang chuan Hruipawl hnah hi chawhmeh ah i hmang ve tawh ang u ... ka lawm e.
No comments:
Post a Comment